საქართველოს კონსტიტუციის 94-ე მუხლი მნიშვნელოვანია და არწმუნებს ინვესტორებს, რომ გადასახადები არ გაიზრდება, - აცხადებს ვიცე-პრემიერი და ფინანსთა მინისტრი, თუმცა დიმიტრი ქუმსიშვილის თქმით, აღნიშნული მუხლი არ არის სრულყოფილი და ბევრი ცვლილების განხორციელება შეიძლება.

დიმიტრი ქუმსიშვილის თქმით, ცვლილებები უნდა გატარდეს იმ ნაწილში, რომელიც უკვე ორგანულ კანონს ეხება და შეიძლება გამონაკლისები დაიშვას.

როგორც ცნობილია, გუშინ ბიზნესგაერთიანებებმა კონსტიტუციაში 94-ე მუხლის დატოვება მოითხოვეს. აღნიშნული მუხლის მიხედვით, ქვეყანაში გადასახადების გაზრდა ან ახალი გადასახადის შემოღება რეფერენდუმის გზით უნდა მოხდეს.