დასავლეთ ლონდონში, კენსინგტონში მდებარე 24-სართულიან კორპუსთან 200-ზე მეტი მეხანძრეა მობილიზებული.

ბრიტანული მედიის ინფორმაციით, ხანძარმა შენობა იმდენად დააზიანა, რომ შესაძლოა ჩამოინგრეს.

მოსახლეობა ევაკუირებულია. საცხოვრებელ კორპუსში გაჩენილი ცეცხლის შედეგად რამდენიმე ადამიანი გარდაიცვალა, 50 კი ჰოსპიტალიზირებულია.

გარდაცვლილთა ზუსტი რაოდენობა ჯერჯერობით უცნობია, თუმცა ლონდონის სახანძრო-სამაშველო სამსახური ფატალურ შემთხვევას ადასტურებს.

საავადმყოფოში მოთავსებული მოქალაქეების უმრავლესობას კვამლით ინტოქსიკაციის ნიშნები აღენიშნებათ.

ხანძრის გაჩენის მიზეზი უცნობია. საგანგებო სიტუაციების სამსახურში პირველი შეტყობინება ადგილობრივი დროით 1 საათსა და 16 წუთზე შევიდა.