ორი ქვეყნის სავაჭრო პარტნიორობასა და ეკონომიკის სხვადასხვა სექტორში თანამშრომლობის საკითხებზე ისაუბრეს საქართველოსა და აზერბაიჯანის ეკონომიკის მინისტრებმა ბაქოში გამართულ შეხვედრაზე.

განხილული იყო სატრანსპორტო დერეფნების საკითხები, მათ შორის, საუბარი შეეხო ახალ "აბრეშუმის გზას". გახარიას ინფორმაციით, შეიქმნა რამდენიმე სამუშაო ჯგუფიც. სატრანსპორტო გადაზიდვების გარდა, ორი ქვეყნის მინისტრებმა, ქვეყნებს შორის ვაჭრობის, სოფლის მეურნეობის, საინფორმაციო ტექნოლოგიების და ტურიზმის სფეროებში თანამშრომლობაზეც იმსჯელეს.