პარლამენტის იურიდიულმა კომიტეტმა „საერთაშორისო გამჭვირვალობა-საქართველოს“ საკანონმდებლო წინადადებას მხარი დაუჭირა.
არასამთავრობო ორგანიზაციას პარლამენტში უკევ ერთ თვეზე მეტია შეტანილი აქვს ინიციატივა, რომლის მიზანიც რუსულ პროპაგანდასთან ბრძოლაა.
კანონპროექტის ინიციატორებს სურთ, საქართველოში - საკანონმდებლო დონეზე აიკრძალოს ისეთი წინასაარჩევნო აგიტაცია და რეკლამა, რომელიც ქვეყნის დამოუკიდებლობისა და სუვერენიტეტის დარღვევის გარდა, ოკუპაციის ლეგიტიმაციის საფრთხესაც შეიცავს.
კომიტეტის დღევანდელ სხდომაზე ეკა ბესელიამ აღნიშნა, რომ სამუშაო შეხვედრაზე შეთანხმდა, კომპრომისული ვარიანტი, რაც იდეის დონეზე დღეს კომიტეტის წევრებმაც მოიწონეს.
როგორც სხდომაზე ითქვა, კომიტეტის აპარატი, ფორმულირების დახვეწას აპირებს, რის შემდეგაც საკანონმდებლო ცვლილების განხილვა უახლოეს მომავალში, პირველი მოსმენის რეჟიმში დაიწყება.