გურჯაანელი მოკრივეების წარმატება. ქალაქ თელავში, თელაველი მწრთვნელების ხსოვნისადმი მიძღვნილ საქალაქთაშორისო ტურნირზე ვეჯინის წმინდა გიორგის სახელობის ეკლესიასთან არსებული კრივის კლუბის მოსწავლეებმა საპრიზო ადგილები მოიპოვეს. შეჯიბრში 5 სპორტსმენი მონაწილეობდა და მათგან სამმა საკუთარ წონით კატეგორიაში პირველი ადგილი მოიპოვა, ორმა კი მეორე და მესამე ადგილები გაინაწილეს. წარმატებული სპორტსმენები გურჯაანის სპორტული კომპლექსის ადმინისტრაციამ საცურაო აუზის უფასო ერთთვიანი აბონემენტით დაასაჩუქრა.