ევროპის ფონდმა სურსათის უვნებლობის შესახებ 2016 წლის საქმიანობის შესახებ ანგარიში წარადგინა. პრეზენტაციაზე სურსათის უვნებლობის რეგულირების კუთხით საქართველოს ხელისუფლების მიერ გაწეული საქმიანობა შეაჯამეს. ასევე, გამოყვეს ის პრობლემები, რომელიც 2016 წელს დაფიქსირდა. კერძოდ. ანგარიშის მიხედვით, 200 000 ლარზე ნაკლები წლიური შემოსავლის მქონე სურსათის ბიზნესოპერატირები კვლავ სახელმწიფო კონტროლის მიღმა რჩებიან; ჯარიმები ძალიან დაბალია და დარღვევების აღკვეთას ვერ უზრუნველყოფენ; სურსათის შემცველობის ეტიკეტებთან შესაბამისობის კონტროლზე უფლებამოსილება კანონით მკაფიოდ არ არის განსაზღვრული; სახელმწიფო კონტროლის შედეგების გამოქვეყნება კვლავ ფერხდება; მოქალაქეთა მხოლოდ მცირე ნაწილს აქვს ინფორმაცია სურსათის ეროვნული სააგენტოს ცხელი ხაზის არსებობის შესახებ. ანგარიში შესაბამის უწყებას უკვე გაეგზავნა.

„ეს ანგარიში ემსახურება იმას, დავინახოთ, თუ რა პრობლემები არსებობს სურსათის უვნებლობაში, პროგრესი არის, სისტემა უკვე შეიქმნა. შეიძლება, ჩვენ ჯერ არ ვართ კმაყოფილი, როგორ მუშაობს ეს სისტემა, მაგრამ არსებობს სურსათის ეროვნული სააგენტო, რომელიც ასევე, აქტიურია, რომ მომხმარებელი გააქტიუროს. მთავარი დაკვირვება ამ ანგარიშის არის ის, რომ უფრო მეტი ყურადღება უნდა მიექცეს სფეროს განვითარებას, იმას, რომ ლაბორატორიას ჰქონდეს საშუალება, გამოავლინოს დარღვევები და ასევე, რეგიონებში აქტიურად შემოწმდეს სურსათის მწარმოებლები“ - განაცხადა ევროპის ფონდის პრეზიდენტმა ქეთევან ვაშაკიძემ.