ერთ- ერთი ყველაზე მასშტაბური და პოპულარული მუსიკალური ფესტივალი ოფიციალურად გაიხსნა. „თბილისი ოფენ ეარი“ მსმენელს 3 დღის განმავლობაში „ლისი ვანდერლენდის“ ტერიტორიაზე გააერთიანებს.

ფესტივალი წელს გამორჩეული პროგრამით წარდგდება მსმენელის წინაშე. სპეციალურად დამონტაჟებულ სამ სცენაზე ერთმანეთს სხვადასხვა ჯგუფი და არტისტი მთელი დღის განმავლობაში ჩაანაცვლებს.

პირველი დღის ჰედლაინერი ცნობილი ბრიტანული ჯგუფი „ანათემა“ იქნება, 17- ში მთავარ სცენას „ლენინგრადი“ დაიკავებს, ხოლო ფესტივალს ჯგუფი „არქაივი“ დახურავს , რომელიც საქართველოში მეორედ ჩამოვა.

უცხოელ არტისტებთან შედარებით, წლევანდელ საფესტივალო პროგრამაში ბევრად დიდი ადგილი ქართველ მუსიკოსებს უკავიათ. 1990-იან წლებში შექმნილი ჯგუფი 2002 წლის შემდეგ „თბილისი ოფენ ეარისთვის“ პირველად შეიკრიბება. „სოფთ ეჯექთის“ კონცერტს ფესტივალის მეორე დღე დაეთმობა.