რაც კარგია ვუვლით, რაც ცუდია ვცვლით, რაც გვაკლია ვქმნით. ეს არის მთავარი პრინციპები, რომლის საფუძველზეც დავით უსუფაშვილმა პოლიტიკური მოძრაობა სახელწოდებით „შენების მოძრაობა“ დააფუძნა.
მოძრაობაში „რესპუბლიკური პარტიის“ ყოფილი წევრები, ასევე განთლების და ინფრასტრუქტურის მინისტრების ყოფილი მოადგილეები არიან. უსუფაშვილმა დღეს 26-კაციანი სია წარადგინა.
პარლამენტის ყოფილი თავმჯდომარე ამბობს, რომ მოძრაობაში გაერთიანდნენ განსხვავებული წარსულის ადამინები, რომლებსაც ქვყენის მომავალთან დაკავშირებით ერთნაირი ხედვა აქვთ.
მოძრაობის პარტიად დაფუძნების პროცესი 2018 წელს დასრულდება. რაც შეეხება შემოდგომაზე დაგეგმილ თვითმმართველობის არჩევნებს, მოძრაობა აქტიურად ჩაერთვება და მერობის საკუარ კანდიდატს წარადგენს.
მოძრაობის წევრი არ არის თინა ხიდაშელი. უსუფაშვლის განმარტებით, ის მუშაობას არასამთავრობო სექტორში აგრძელებს. დავით უსუფაშვილის განცხადებით მოძრაობა შემოწირულობებით დაფინანსდება.