დონალდ ტრამპმა ობამას ადმინისტრაციის მიერ კუბასთან გაფორმებული ხელშეკრულებით გათვალისწინებული რამდენიმე პუნქტი გააუქმა. ძირითადი ცვლილება ამერიკულ კომპანიებსა და კუბას შორის საქმიან ურთიერთობებს ეხება, ასევე ამერიკის შეერთებული შტატების მოქალაქეებს კუბელ მაღალჩინოსნებთან და სამხედრო პირებთან ნებისმიერი სახის კავშირი აეკრძალებათ.
მიუხედავად გამკაცრებული პოლიტიკისა, ვაშინგტონი ოფიციალურ ჰავანასთან დიპლომატიურ ურთიერთობებს შეინარჩუნებს. ტრამპის ახალი პოლიტიკის ფარგლებში, კუბასთან საჰაერო და საზღვაო კავშირი არ გაწყდება.
პრეზიდენტის გადაწყვეტილებას ფლორიდაში პროტესტი მოჰყვა. ამერიკის შეერთებულ შტატებში მცხოვრები კუბელები შიშობენ, რომ აკრძალვები კუბაზე ამერიკელი ტურისტების რაოდენობას შეამცირებს, რაც ეკონომიკას დააზარალებს.