„აქტიური ცხოვრება ჩემი სტიქიაა“ - ამ სახელწოდებით მუშტაიდის ბაღში შშმ პირების უფლებების დაცვის ფარგლებში სხვადასხვა სახის ღონისძიება იმართება.
აქტივობებში მონაწილეობის მისაღებად თბილისში აფხაზეთში, ხონში, გორსა და სამეგრელოში მცხოვრები შშმ პირებიც ჩამოვიდნენ, ამასთან ღონისძიებაში მონაწილეობას იღებენ სამშვიდობო მისიებში დაშავებული ჯარისკაცები.
ღონისძიებაზე იმართება სპორტული შეჯიბრებები მშვილდოსნობაში და მეკლდეურობაში, ასევე პარაოლიმპიური სპორტის სახეობა ბოჩასა და ესტაფეტაში. გამარჯვებულებს კი, ჯილდოები და სიგელები გადაეცემათ.
დღევანდელი დღე კონცერტით დამთავრდება, რომელშიც მონაწილეობას უსინათლოთა ჯგუფები და ეტლით მოსარგებლეები მიიღებენ.
„აქტიური ცხოვრება ჩემი სტიქიაა“ ორგანიზატორი ახალგაზრდული მედია კავშირი, თბილისის მერია და მუშტაიდის ბაღის ადმინისტრაციაა.