თერჯოლას სტუმრობდა პრემიერ-მინისტრი. გიორგი კვირიკაშვილი სოფელ ზედა სიმონეთში, დავით კლდიაშვილის სახლ-მუზეუმში იმყოფებოდა, სადაც მოსახლეობასთან ერთად, სახალხო დღესასწაულში მონაწილეობდა.

ღონისძიება თერჯოლა-ტყიბულის მაჟორიტარი დეპუტატის ინიციატივით გაიმართა. დაასახელეს თერჯოლას საპატიო მოქალაქეები. გამოვლინდნენ წარჩინებული მოსწავლეებიც, რომლებსაც სახელობითი სტიპენდიები დაენიშნებათ.

შეკრებილებს პრემიერმა სიტყვით მიმართა. მან იმერეთის კულტურულ და ეკონომიკურ პოტენციალზე ისაუბრა და მოსახლეობას იმ პროექტების შესახებ მიაწოდა ინფორმაცია, რომლებიც რეგიონშია დაგეგმილი.