ეროვნული სიმფონიური ორკესტრი მსმენელის წინაშე სეზონის ბოლო კონცერტით მსოფლიოში აღიარებულ ვარსკვლავებთან ერთად წარსდგა.
მუსიკალურ საღამოზე მევიოლინე ლიზა ბათიაშვილსა და საუკუნის ელჩად წოდებულ ჩელისტს, გოტიე კაპუსიონის მოუსმინეს.
კონცერტი ანტისტიგმა კამპანიის - დაინახე ყველაფერი ფარგლებში ჩატარდა. კამპანია გაერო-ს ბავშვთა ფონდის ინიციატივით, ევროკავშირისა და შეერთებული შტატების საერთაშორისო განვითარების სააგენტოს მხარდაჭერით მიმდინარეობს და მიზნად საზოგადოების დამოკიდებულების, ქცევის ნორმების შეცვლასა და შეზღუდული შესაძლებლობის მქონე ბავშვების მიმართ სტიგმის შემცირებას ისახავს.
კონცერტს ეროვნული სიმფონიური ორკესტრის სამხატვრო ხელმძღვანელმა ნიკოლოზ რაჭველმა უდირიჟორა. მას საქართველოს პრემიერ-მინისტრი მეუღლესთან და კულტურის მინისტრთან ერთად დაესწრო.