მე-10 წუთზე ლელოების ანგარიში მერაბ კვირიკაშვილმა გახსნა - საქართველო 5:0 დაწინაურდა. 7 წუთში ამერიკელებმა 3 ქულა ჯარიმით გაქვითეს. 23-ე და 27-ე წუთებზე კი მერაბ კვირიკაშვილმა 2 ზუსტი ჯარიმა შეასრულა და ბორჯღალოსნები 8 ქულით დააწინაურა.

ტაიმის ბოლოს ამერიკელბმა არაერთხელ დაარღვიეს წესი შერკინების დროს და მსაჯმა მასპინძელთა გუნდი საჯარიმო ლელოთი დასაჯა - საქართველომ პირველი ნახევარი 18:3 მოიგო.

მეორე ტაიმის დასაწყისშივე მერაბ კვირიკაშვილმა კიდევ ერთი ზუსტი ჯარიმა შეასრულა. მატჩის 57-ე წუთზე ამერიკელებმა ლელო დაგვიდეს და ზუსტი გარდასახვაც შეასრულეს - ანგარიშში სხვაობა 11 ქულამდე შემცირდა. 72-ე წუთზე იენსენმა ლელო დადო, მასპინძლებმა გარდასახვაც ზუსტად შეასრულეს და ანგარიში 21:17 გახდა.

შეხვედრა ქართველ მორაგბეთა გამარჯვებით 21:17 დასრულდა, მომავალ ტესტ-მატჩს ბორჯღალოსნები არგენტინასთან გამართავენ.