საქართველოს რეგიონული განვითარებისა და ინფრასტრუქტურის მინისტრმა სამეგრელო-ზემო სვანეთის გუბერნატორთან ერთად სტიქიის შედეგად რეგიონში დაზიანებული ინფრასტრუქტურა დაათვალიერა.

როგორც ზურაბ ალავიძემ აღნიშნა, სტიქიის შედეგად მიყენებული ზარალის დათვლა მიმდინარეობს.

„მიმდინარეობს ზარალის დათვლა. შემდეგი მთავრობის სხდომისთვის უნდა მოვემზადოთ მაქსიმალურად, რათა გამოიყოს რესურსები სტიქიის მიერ მიყენებული ზარალის მოკლე დროში აღმოსაფხვრელად", - განაცხადა ზურაბ ალავიძემ.

რამდენიმე დღიანმა გადაუღებელმა წვიმებმა სამეგრელოს რეგიონს სერიოზული ზარალი მიაყენა.

ადიდებულმა მდინარეებმა გაარღვიეს ნაპირსამაგრი გაბიონები, დანგრეულია რამდენიმე ხიდი და ხიდბოგირი.