ირაკლი კობახიძის მორიგი ბრალდება გიორგი მარგველაშვილს.
პარლამენტის თავმჯდომარე პრეზიდენტს კიდევ ერთხელ უპირისპირდება. ის მიიჩნევს, რომ სახელმწიფოს მეთაური არ არის მოწოდებული, ხელი შეუწყოს კონსტიტუციის პროექტზე კონსენსუსის ჩამოყალიბებას და თავს არიდებს საკითხზე მსჯელობის ისეთ ფორმატს, რომელიც საზოგადოებას ქვეყნის უზენაეს კანონში დაგეგმილ ცვლილებებზე სრულფასოვან წარმოდგენას შეუქმნის.
საკანონმდებლო ორგანოს სპიკერმა ეს განცხადება, საკუთარ შეთავაზებაზე პრეზიდენტის ადმინისტრაციის პასუხის შემდეგ გააკეთა.
ირაკლი კობახიძე ცვლილებების სადავო მიმართულებებზე დისკუსიას გიორგი მარგველაშვილს ტელეეთერში ერთი-ერთზე სთავაზობდა. პრეზიდენტის ადმინისტრაცია კი ამ დისკუსიის გამართვას პოლიტიკური თუ საზოგადოებრივი აქტორების ჩართულობით, პრეზიდენტის ადმინისტრაციის შენობაში ემხრობა.
თუ მხარეები შეთანხმდებიან, საზოგადოებრივი მაუწყებელი მზად არის მათ პირდაპირი ეთერი დაუთმოს.
სალომე ქოქიაშვილი განავრცობს თემას.