პარლამენტის თავმჯდომარის შეთავაზებას, რომ საკონსტიტუციო პროექტზე პირდაპირ ეთერში იმსჯელონ, პრეზიდენტის ადმინისტრაცია პასუხობს.

პრეზიდენტის მრჩეველი ფიქრია ჩიხრაძე ირაკლი კობახიძის შეთავაზებას შოუს უწოდებს და კიდევ ერთხელ მოუწოდებს მმართველ გუნდს, დიალოგი პრეზიდენტის ადმინისტრაციაში გამართონ.

ფიქრია ჩიხრაძის თქმით, საკონსტიტუციო ცვლილებებზე მუშაობისას მთავარი კონსენსუსის მიღწევაა და ქვეყანამ პირიქით - არა თანხმობის, არამედ ნულოვანი კონსენსუსის დოკუმენტი მიიღო.