ქართული სიმღერის კონკურსის ოქროს ტალღა 2017 გამარჯვებულთა დაჯილდოების ცერემონია ხვალ გაიმართება.
საიუბილეო საღამოზე რადიოჰოლდინგ ფორტუნას სპეციალური სტუმარი, ფრანგი შემსრულებელი და ინსტრუმენტალისტი, პოპულარულ ჯგუფ მოდჯოს ყოფილი სოლისტი იან დესტალი დაესწრება.
მუსიკალური პროექტი, რომელსაც რადიოჰოლდინგი წარმოადგენს, მეხუთე წელია, რაც საქართველოში ხორციელდება და ახალგაზრდა მომღერლების აღმოჩენას, ასევე ცნობილი შემსრულებლების, კომპოზიტორების, ამ სფეროს წარმომადგენლების მხარდაჭერას ისახავს მიზნად.
წლის სიმღერის კატეგორიაში გამარჯვებულს ფულადი პრიზი 5 000 ლარი გადაეცემა. სხვა ნომინაციებში გამარჯვებულებისთვის კი მზადდება ქანდაკება ოქროს ტალღის ლოგოტიპით, რომელიც სპეციალურად პროექტისთვის, მოქანდაკე ირაკლი წულაძემ შექმნა.