ქუთაისის ტექნოლოგიური უნივერსიტეტის განვითარებაში გერმანელი სპეციალისტები ჩაერთვებიან. შესაბამისი მემორანდუმი მიუნხენის ტექნოლოგიურ უნივერსიტეტსა და საქართველოს განათლების სამინისტროს შორის დღეს გაფორმდა.
დოკუმენტის მიხედვით, გერმანელი სპეციალისტები საუნივერსიტეტო კომპლექსის აკადემიური განვითარების გეგმას, კვლევითი პროგრამებს, უნივერსიტეტის სტრუქტურასა და განვითარების სტრატეგიას ქართულ მხარესთან ერთად შეიმუშავებენ.
დღესვე სამინისტრომ კიდევ ერთი მემორანდუმი საქველმოქმედო ფონდ ქართუსთან გააფორმა. დოკუმენტი ქუთაისის საუნივერსიტეტო კომპლექსის მშენებლობის ფინანსურ მხარდაჭერას ეხება.
კავკასიის რეგიონში უდიდესი საუნივერსიტეტო ქალაქი 140 ჰექტარზე უნდა განთავსდეს. სტუდენტთა პირველი ნაკადის მიღებას უნივერსიტეტი 2019 წელს შეძლებს.