პოლიტიკური კონსენსუსი არ არსებობს კონსტიტუციაში შესატან საარჩევნო ცვლილებებზეც.

ვენეციის კომისიის დასკვნის სრული ვერსია უახლოეს საათებში უნდა გამოქვეყნდეს. უკვე ცნობილია, რომ საერთაშორისო ექსპერტები პროპორციულ სისტემაზე გადასვლას ცალსახად უჭერენ მხარს, თუმცა მმართველ გუნდში არსებული აზრთა სხვადასხვაობის გამო, ვენეციიდან დაბრუნებული პარლამენტის თავმჯდომარე არ გამორიცხავს, რომ მაჟორიტარული სისტემა 2020-ის ნაცვლად 2024 წლის არჩევნებისთვის გაუქმდეს.

ახლა მთავარი კითხვაა, დათანხმდებიან თუ არა პროპორციული სისტემის მოწინააღმდეგე დეპუტატები შეთავაზებულ 2024 წელს.

ქართული ოცნების ოფისში კონსულტაციები ამ წუთებშიც მიმდინარეობს.