მაუწყებლობის კანონში ცვლილებებს განიხილავენ დღეს იურიდიულ საკითხთა კომიტეტზე. კანონპროექტის ინიცირება მიმდინარე კვირაში იგეგმება.
ცვლილებებზე, რომელიც სხვადასხვა მიმართულებებს გულისხმობს, სამუშაო ჯგუფი რამდენიმე თვის განმავლოვაში მუშაობდა. პროექტის მიხედვით, გაიმიჯნება სამეურვეო საბჭოსა და გენერალური დირექტორის უფლებამოსილებები.
ცვლილები ეხება შესყიდვების ნაწილსაც. ცვლილებების მიხედვით, "სახელმწიფო შესყიდვების შესახებ" საქართველოს კანონი არ გავრცელდება საზოგადოებრივი მაუწყებლის მიერ ეთერით გადასაცემი გადაცემების, სერიალების, მხატვრული ან დოკუმენტური ფილმების დამზადების მომსახურების შესყიდვაზე, ანუ არამატერიალურ პროდუქციაზე. სხვა დანარჩენ შემთხვევაში შესყიდვებს საზოგადოებრივი მაუწყებელი განახორციელებს შესყიდვების შესახებ კანონის შესაბამისად.
ასევე, ცვლილებები ეხება კომერციული რეკლამისა და სპონსორობის ნაწილსაც.
კანონპროექტში გათვალისწინებული ცვლილებები დადებითად ფასდება ევროპის სამაუწყებლო კავშირის მიერაც. დღევანდელ განხილვას იურიდიულ საკითხთა კომიტეტზე ესწრებიან არასამთავრობო სექტორის წარმომადგენლებიც.