სასტუმრო „ბილთმორში“ ფინანსთა სამინისტროს საქვეუწყებო დაწესებულების-ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ოფიციალური საჯარო გახსნა მოეწყო. სამსახური 2016 წლიდან ფუნქციონირებს, რომელიც საერთაშორისო სტანდარტებზე დაფუძნებული საზედამხედველო სისტემის მეშვეობით უზრუნველყოფს აუდიტორებსა და აუდიტორულ ფირმებზე, ფინანსური ანგარიშგების და აუდიტის სავალდებულო საერთაშორისო სტანდარტებისა და სხვა ნორმების ქართულ ენაზე შემოღებას, სუბიექტების ფინანსური და მმართველობითი მონაცემების შემცველი საიმედო საინფორმაციო რესურსის შექმნას.
ფინანსთა მინისტრის პირველი მოადგილის, გიორგი თაბუაშვილის თქმით, ბუღალტრული აღრიცხვის, ანგარიშგებისა და აუდიტის ზედამხედველობის რეფორმის წარმატებით განხორციელება დაკავშირებულია კორპორატიული მართვის და ანგარიშგების სანდოობის ამაღლებასთან, ასევე საინვესტიციო გარემოს გაუმჯობესებასთან.
"ეს სამსახური იქნება პასუხისმგებელი ამ სფეროში საერთაშორისო სტანდარტების დანერგვაზე, ხარისხის კონტროლის სისტემის უზრუნველყოფასა და ექნება პასუხისმგებლობა აწარმოოს აუდიტორისა და აუდიტორული კომპანიის სახელმწიფო რეესტრი. აღნიშნული რეფორმის განხორციელებით მოგებულო დარჩება საწარმო, რომელსაც ექნება სანდო და გამჭვირვალე ანგარიშგება, აიდიტორი, რომელიც მაღალპროფესიულად შეასრულებს სამუშაოს, ასევე ინვესტორი, რომელიც უფრო თამამად ჩადებს ინვესტიციებს ქვეყანაში, საბოლოო ჯამში, რეფორმის შედეგები ხელშესახები იქნება ჩვენი საზოგადოებისთვის"- აღნიშნა თაბუაშვილმა.
სამსახურის გახსნაში მონაწილეობა მიიღო მსოფლიო ბანკის ფინანსური რეფორმის ცენტრის უფროსმაც. როგორც ჯარედ დეკერმა აღნიშნა, ისინი მოელიან, რომ ეს რეფორმა და ახალი ანგარიშგების ჩარჩო რეალურ შედეგს მოუტანს საქავველოს.