თურქეთში ქართველი ახალგაზრდა გარდაიცვალა. ქუთაისელი ბუნა ხოტოველი თურქეთში სამოგზაუროდ იმყოფებოდა.
ახალგაზრდა ქალაქ სტამბოლში ტაილანდიდან 17 ივნისს ჩაფრინდა, სადაც მონაწილეობა მიიღო ებრაული დიასპორის შეკრებაში.
გადრაცვლილის დედის თქმით, ფაქტის შესახებ დღეს დილით სამართალდამცავებმა აცნობეს.
"ბუნა წასულიყო იყო ტაილანდში სემინარზე, ექვსში დილით წავიდა. სემინარის დასრულების შემდეგ დამირეკა. პარასკევს მითხრა, ათათურქის აეროპორტში ვარო. ამის შემდეგ აღარ დაურეკავს. მითხრა, რომ ორი დღე არ გამოვიძინებ, გადაღლილი ვარო. კვირას ღამის სამ საათზე დამირეკა, როგორ ხარო. ამის შემდეგ აღარ დამკავშირებია. როდესაც მე დავრეკე, ვიღაც კაცმა მიპასუხა, თურქულად მელაპარაკებოდა. როცა ჩემი შვილი მოვიკითხე, მითხრა, რომ ბუნას ჩანთა გვაქვს სასტუმროში და თავად არ მოსულაო. რა მოხდა, არაფერი ვიცი. დღეს მითხრა თურქეთის წარმომადგენელმა თამარ თევდორაძემ, რომ გავარკვევო. ჩემმა დამ მითხრა, ბუნა აღარ გვყავსო. როგორც ჩანს, ქუჩაში იპოვეს. საგარეო საქმეთა სამინისტროდან აღარავინ დამკავშირებია",- განაცხადა ნათელა ხოტოველმა.
გარდაცვალების ზუსტი მიზეზი უცნობია, თუმცა დედას უთხრეს, რომ 36 წლის მამაკაცი სიმაღლიდან გადმოვარდა.
გარდაცვლილის გადმოსვენებისთვის საჭირო ხარჯებს თურქეთში საქართველოს საკონსულო უზრუნველყოფს.