თვითგამოცხადებული ისლამური სახელმწიფოს რეჟიმი ახლო აღმოსავლეთში, შესაძლოა, უახლოეს თვეებში დასრულდეს. ალყაში მოქცეულმა ე.წ. ისლამურმა სახელმწიფომ, იგივე დაეშმა, მოსულში სწორედ ის მეჩეთი ააფეთქა, სადაც მათმა ლიდერმა აბუ ბაქრ ალ ბაღდადიმ სამი წლის წინ სახალიფოს აღორძინების შესახებ იქადაგა.

ჯიჰადისტები ტერიტორიებს დღითიდღე კარგავენ. ამავდროულად, კვირაზე მეტია, რაც საერთაშორისო მედია ალ ბაღდადის გარდაცვალების შესახებ წერს. ამ ფაქტს პენტაგონი ამ დრომდე არ ადასტურებს, მოსკოვში კი აცხადებენ, რომ სირიაში ავიაიერიშის შედეგად ალ ბაღდადი და თვითგამოცხადებული ისლამური სახელმწიფოს კიდევ ათობით წევრი დაიღუპა.

რა ელოდება ე.წ. ისლამურ სახელმწიფოს და რა ვითარებაა დღეს მათ მიერ კონტროლირებად ტერიტორიებზე.