თბილისის საქალაქო სასამართლომ „პანორამა თბილისის“ მშენებლობასთან დაკავშირებით ახალგაზრდა იურისტთა ასოციაციის სარჩელი არ დააკმაყოფილა.
მოსამართლემ მოპასუხე მხარის შეუამდგომლობა გაიზიარა, იმასთან დაკავშირებით, რომ საია-მ მშენებლობის ნებართვის გასაჩივრების ვადები დაარღვია.
ეკონომიკის სამინისტროსა და ტბილისის მერიის არქიტექტურის სამსახურის წარმომადგენლების თქმით, 2015 წელს გაცემული ნებართვები 1 თვის ვადაში უნდა გასაჩივრებულიყო.
საია-ს იურისტის განცხადებით, მათ სარჩელი 2016 წლის სექტემბერში მას შემდეგ შეიტანეს, როდესაც ის რუკები აღმოაჩინეს, რომლის მიხედვითაც მშენებლობისთვის გამოყოფილი ტერიტორია ისტორიული ლანდშაფტის დაცვის ზონაში შედის. თუმცა, სასამართლომ მათი არგუმენტები არ გაიზიარა. არასამთავრობო ორგანიზაცია გადაწყვეტილების სააპელაციო წესით გასაჩივრებას გეგმავს.
საია ორ სამშენებლო ნებართვას აპროტესტებდა. საუბარია სოლოლაკის მაღლობსა და სოლოლაკის ბაღების სასტუმრო კომპლექსის მშენებლობაზე. საიაში აცხადებენ, რომ ეს ტერიტორია ისტორიული ლანდშაფტის დაცვის ზონაში მდებარეობს და იქ ამ ტიპის მშენებლობას კანონი კრძალავს.