შინაგან საქმეთა სამინისტრო ადასტურებს, რომ დავით როსტომაშვილზე მომხდარ თავდასხმაში ბრალდებული ბადრაგირების დროს გაიქცა და მიმალვა შეძლო.
საქმეზე განსაკუთრებული ინტერესის გათვლისწინებით, უწყებამ განცხადება გაავრცელა. სადაც წერია, რომ ცხელ კვალზე დაკავებული პირი დროებითი მოთავსების იზოლატორში შესახლებამდე გაიქცა.
ასევე, უწყების ინფრომაციით, იმ პოლიციელების წინააღმდეგ, რომლებიც შემთხვევის მომენტში ადგილზე იმყოფებოდნენ გამოძიება დაიწყო.
23 ივნისს საქალაქო სასამართლომ მათ აღმკვეთი ღონისძიების სახით გირაო შეუფარდა და უფლებამოსილება შეუჩერა.
პარალელურად, განცხადებას ავრცელებს პროკურატურაც, რომლის მიხედვითაც, უწყებამ სამსახურებრივი გულგრილობის ფაქტზე საქართველოს შინაგან საქმეთა სამინისტროს სამ თანამშრომელს ბრალი წაუყენა.
„საქმეზე გრძელდება გამოძიება სისხლის სამართლის კოდექსის 342-ე მუხლის პირველი ნაწილით, რაც სასჯელის სახედ და ზომად თავისუფლების აღკვეთას სამ წლამდე ვადით ითვალისწინებს”, - ნათქვამია პროკურატურის მიერ გავრცელებულ განცხადებაში.