პარლამენტმა საკონსტიტუციო ცვლილებებს მეორე მოსმენით კენჭი უყარა. რიგგარეშე სხდომას, სადაც მთავარი კანონის პროექტის განხილვა რამდენიმე საათის განმავლობაში მიმდინარეობდა, დოკუმენტს მხარი 115 დეპუტატმა დაუჭირა.
საპარლამენტო ოპოზიცია ისევ ბოიკოტის რეჟიმშია და სხდომას მხოლოდ უმრავლესობა ესწრებოდა.
მომდევნო ეტაპი და ცვლილებების საბოლოოდ დამტკიცება საშემოდგომო სესიაზე იგეგმება. როგორც პარლამენტის თავმჯდომარე ამბობს, იმის გამო, რომ პროპორციული სისტემის ამოქმედება ერთი ვადით გადაიდო, გარდამავალ დებულებებში გაჩნდება ჩანაწერი, 2023 წელს დაგეგმილი საპრეზიდენრო არჩევნების 2024 წლამდე გადავადების შესახებაც.
შესაბამისად, მომდევნო პრეზიდენტის უფლებამოსილების ვადა, რომელიც ისევ პირდაპირი წესით იქნება არჩეული, ერთჯერადად ხუთის ნაცვლად, ექვსი წლით განისაზღვრება.