ივნისი 25, 2017
463
პროექტი აქტიური ცხოვრება ჩემი სტიქიაა გრძელდება. პატარა ლილოს მიმდებარე ტერიტორიაზე პარაპლანით ფრენის ღონისძიება გაიმართა.
შეზღუდული შესაძლებლობის მქონე 25-მა პირმა ექსტრემალური სპორტის ამ სახეობაში საკუთარი ძალები მოსინჯა. სპეციალურად შექმნილი ეტლი-კონსტრუქციით, აფხაზეთის მკვიდრმა და სამშვიდობო მისიებში დაშავებულმა ჯარისკაცებმაც იფრინეს.
პროექტის მიზანია თანაბარი უფლებრივი მდგომარეობის დამკვიდრება და გაერო-ს 2006 წლის კონვენციის 30-ე მუხლის იმპლემენტაციისთვის ხელშეწყობა.
ღონისძიება, ახალგაზრდული მედიაკავშირის ორგანიზებით, თბილისის მერიის მხარდაჭერით, ასევე აფხაზეთის ავტონომიური რესპუბლიკის მთავრობისა საქართველოს თავდაცვის სამინისტროს ჩართულობით გაიმართა.
მაჩვენე მეტი