თბილისში, ვაჟა-ფშაველას პირველ კვარტალში ცეცხლსასროლი იარაღით დაჭრილი ახალგაზრდა მამაკაცი რესპუბლიკურ საავადმყოფოში გარდაიცვალა. ინფორმაცია საზოგადოებრივს რესპუბლიკურ საავადმყოფოში დაუდასტურეს. მათი ინფორმაციით, მამაკაცი საავადმოყოფში შეყვანიდან რამდენიმე წუთში გარდაიცვალა. მას სიცოცხლესთან შეუთავსებელი ჭრილობები აღენიშნებოდა.

27 წლის მამაკაცს საცხოვრებელი სახლის სიახლოვეს ესროლეს.

როგორც შსს-ს პრესსამსახურში საზოგადოებრივს განუცხადეს, მომხდარზე გამოძიება სსკ-ის 108-ე (განზრახ მკვლელობა) და 236-ე (ცეცხლსასროლი იარაღის უკანონო შეძენა-შენახვა-ტარება) მუხლებით მიმდინარეობს.