ბათუმში, ზღვის პირას, ბულვარის კოლონადების მიმდებარე ტერიტორიაზე, ავიაშოუ გაიმართა.

ლატვიური კომპანიის ავიაპილოტაჟით შესრულებული მრავალფეროვანი შოუ ბათუმში Fly Fest Georgia-ს ფარგლებში შედგა. 30-წუთიან სანახაობაში ხუთი საჰაერო ხომალდი მონაწილეობდა.

შოუს, ადგილობრივ მოსახლეობასთან და ტურისტებთან ერთად, ბათუმში მეზღვაურთა დღესთან დაკავშირებით მყოფი უცხოელი სტუმრებიც შეუერთდნენ.

ბათუმამდე ერთი დღით ადრე ბალტიელმა ფუტკრებმა თბილისში, ნატახტარის აეროპორტში თავიანთი ოსტატობის დემონსტრირება მოაწყვეს.