ფოთში გარემოვაჭრეები აქციას მართავენ.

როგორც „მოამბის“ ჟურნალისტი ადგილიდან იუწყება, ფოთის ბაზართან მოვაჭრეებს დღეს დახლები აღებული დახვდათ.

მათ ბაზრისკენ მისასვლელი გზა დილიდან გადაკეტილი ჰქონდათ და ქალის მერთან, ასევე ბაზრის ადმინისტრაციასთან შეხვედრას ითხოვდნენ.

აქციის ერთ-ერთი მონაწილე ცუდად გახდა, ის სასწრაფო-სამედიცინო დახმარების ბრიგადამ საავადმყოფოში გადაიყვანა.

ამ წუთებში, გარემოვაჭრეები ფოთის მერიის ადმინისტრაციის უფროსს ზვიად შუბითიძეს და ბაზრის დირექტორ თეა ბელქანიას ხვდებიან.