ურთიერთგამომრიცხავი განცხადებები მოჰყვა ბოლო დროის რეზონანსულ საქმეზე დაკითხული მოწმეების ჩვენებებს. ე.წ. ციანიდის დახურულ სასამართლო პროცესზე აეროპორტის უსაფრთხოების სამსახურის თანამშრომლებს მოუსმინეს.

საუბარია მოწმეებზე, რომლებიც, ბრალდების მხარის განმარტებით, მამა გიორგი მამალაძის ჩანთის დალუქვის და შემდეგ დათვალიერების პროცესს ესწრებოდნენ.

პროკურორის ინფორმაციით, მოწმეებმა ჩანთიდან მომწამლავი ნივთიერების გადმოვარდნის ფაქტი დაადასტურეს, თუმცა ვერსიას არადამაჯერებლად მიიჩნევს დაცვის მხარე, რომელიც ციანიდის ჩადების ფაქტს არ გამორიცხავს.

ადვოკატს ის გარემოებაც აეჭვებს, რომ ჩანთის დალუქვის და დათვალიერების ამსახველი ვიდეომასალა არ არსებობს.