საფრანგეთი არ ცნობს რუსეთის მიერ ყირიმის ანექსიას და სასიცოცხლოდ მნიშვნელოვანია, რომ ეუთო-ს სადამკვირვებლო მისიამ უკრაინაში მუშაობა გააგრძელოს, - ამის შესახებ საფრანგეთის პრეზიდენტმა, პარიზში უკრაინელ კოლეგასთან შეხვედრის დროს განაცხადა.
Reuters-ის ინფორმაციით, ემანუელ მაკრონის აღნიშნა, რომ ბოლო სამი წლის განმავლობაში აღმოსავლეთ უკრაინაში შექმნილმა ვითარებამ საფრთხე შეუქმნა როგორც უკრაინასა და ევროპას, ასევე რუსეთსაც.
საფრანგეთის პრეზიდენტმა ასევე აღნიშნა, რომ კონფლიქტის პოლიტიკური გზით მოსაგვარებლად “ნორმანდიული ფორმატით” საფრანგეთის, გერმანიის, რუსეთისა და უკრაინის ლიდერების შეხვედრა
სავარაუდოდ ივნისის ბოლოს ან ივლისის დასაწყისში, “დიდი ოცეულის” სამიტის დაწყებამდე გაიმართება. თავის მხრივ პეტრო პოროშენკომ განაცხადა, რომ კონფლიქტის მოგვარების მიმართულებით ოპტიმისტურადაა განწყობილი.