თბილისიდან აზერბაიჯანის პენიტენციურ სისტემაში აღმოჩენილი აფგან მუხტარლის საქმეზე იმსჯელეს ევროპის საბჭოში აზერბაიჯანელმა ჟურნალისტებმა.
მათი განცხადებით, ჟურნალისტებს აზერბაიჯანში პროფესიული მოვალეობის შესრულების საშუალება არ ეძლევათ და ამიტომ ევროპის სხვადასხვა ქვეყნაში უწევთ ცხოვრება.
კოლეგები შეშფოთებას გამოთქვამენ მუხტარლის საქმესთან დაკავშირებით და აცხადებენ, რომ საქართველო დემოკრატიული ქვეყანაა და ჟურნალისტების უფლებები უნდა დაიცვას. ისინი იმედს იტოვებენ, რომ ქართული მხარე გამოძიებას წარმართავს და სიმართლე გაირკვევა.
ჟურნალისტები ევროპის საბჭოსგან რეზოლუციის მიღებას ითხოვენ, სადაც აზერბაიჯანში არსებული მედიაგარემო იქნება აღწერილი და მუხტარლის საქმის დეტალებიც გაიწერება.
კოლეგებთან ერთად ევროსაბჭოში ჟურნალისტი ლაშა ტუღუშიც იმყოფებოდა.