საზოგადოებრივი მაუწყებლის ახალი სატელევიზიო ეთერისთვის გამარჯვებული გადაცემების შემოქმედებით ჯგუფებს საზოგადოებრივის პრესცენტრში არხის მენეჯმენტი შეხვდა.
არხის გენერალურმა დირექტორმა კონკურსში გამარჯვებულებს წარმატება მიულოცა და აღნიშნა, რომ აქტიური მოსამზადებელი სამუშაოები დაიწყება.
ვასილ მაღლაფერიძე გადაცემების ავტორებს ტექნიკურ გადაიარაღებას დაპირდა და აღნიშნა, რომ შეიქმნება ერთიანი ვებპლატფორმა.
ახალი გადაცემების ავტორებს კონტრაქტები სექტემბერში გაუფორმდებათ, არსებულ გამარჯვებულ გადაცემებს კი ხელშეკრულებები გაუგრძელდებათ. აქტიური მუშაობა სამუშაო ჯგუფებთან ერთად დღეიდან იწყება.
საზოგადოებრივი მაუწყებლის ახალი სეზონისთვის გადაცემების შესარჩევად გამოცხადებული კონკურსის ფარგლებში საუკეთესო პროექტები 21 ივნისს გამოვლინდა.