თბილისის სახელმწიფო უნივერსიტეტში ბაქტერიოფაგის აღმოჩენის 100 წლისთავისადმი მოძღვნილი კონფერენცია გაიხსნა.
ღონისძიების მიზანია ბაქტერიოფაგების კვლევის ძირითადი მიმართულებების ფართო მიმოხილვა, მსჯელობა ფაგისა და ბაქტერიული უჯრედის ურთიერთქმედების მექანიზმების, ბაქტერიოფაგების ეკოლოგიისა და ევოლუციური ასპექტების შესახებ.
კონფერენციას 25 ქვეყნის 100-მდე დელეგატი დაესწრება. ღონისძიებაზე მთავარი აქცენტი გაკეთდება ფაგების თერაპიული, სამრეწველო და ბიოტექნოლოგიური გამოყენების მნიშვნელობასა და შესაძლებლობებზე.
საიუბილეო თარიღთან დაკავშირებით, უნივერსიტეტის ბიბლიოთეკამ გამოფენა მოამზადა. წარმოდგენილი იყო ბიბლიოთეკის საცავებში დაცული მასალები.
ღონისძიებას განათლების მინისტრი, ჯანდაცვის მინისტრი, თსუ-ის რექტორი, საფრანგეთის ელჩი საქართველოში პასკალ მენიე და ბაქტერიების, მიკრობიოლოგიის და ვირუსოლოგიის ინსტიტუტის დირექტორი მზია ქუთათელაძე დაესწრნენ.