პოლოტიკურმა პლატფორმამ "ახალი საქართველო" "ქართული ოცნების" აქტივისტების დაფინანსების შესახებ სქემა ჟურნალისტებს წარუდგინა.

გიორგი ვაშაძის განცხადებით "ქართული ოცნება" საკუთარ აქტივისტებს საბიუჯეტო სახსრებით აფინანსებს. პარტიის ოფისში გამართულ ბრიფინგზე თბილისის გამგეობის მიერ გაცემულ ერთჯერად ფინანსური დახმარების შესახებ ისაუბრეს. "ახალი საქართველოს" ლიდერის განცხადებით, 2016 1 იანვრიდან 16 თვის მონაცემებით, გაიცა 5 478 537 ლარის ფინანსური დახმარება.

გიორგი ვაშაძის თქმით, თბილისის 10 რაიონულ გამგეობაში, ამ პერიოდში შესულია 40 000-ზე მეტი განცხადება, აქედან დაკმაყოფილებულია 22 949.

"ახალი საქართველოს" წევრებს მიაჩნიათ, რომ "ქართული ოცნება" ახდენს საკუთარ აქტივისტების წახალისებას.

პარტიის წევრები მიმართავენ მთავარ პროკურატურას და ითხოვენ საქმის საფუძვლიანად შესწავლას. ~

"მხოლოდ70% გაიცემა სოციალურად დაუცველებზე. გამოვითხოვეთ ინფორმაცია გამგობებიდან და პირდაპირ წერენ, რომ აღრიცხავენ, კონკრეტულად ვის აძლევენ ამ თანხებს. ჩვენ გვაქვს დასაბუთებული ინფორმაცია, რომ ეს ორი მილიონი ლარი "ქართული ოცნების" აქტივისტებზე გაიცემა. მივმართავ პროკურატურას, დაუყოვნებლივ დაიწყოს გამოძიება და აღნიშნული საქმის შესწავლა", - განაცხადა გიორგი ვაშაძემ.