კახა ნანავა ქ.ქუთაისში ევროკავშირის დახმარებით პლასტმასის ნარჩენების შესაგროვებლად სპეციალური ურნების დადგმაზე, შემდეგ მის გადამუშავებასა და მიღებულ სარგებელზე საუბრობს.
„გარემოს, მოვლა-პატრონობა სჭირდება, ნაგავს - ადგილის მიჩენა. ოღონდ, ნაგავსაც გააჩნია. მაგალითად, პლასტმასი - ცალკე უნდა შეგროვდეს. ევროკავშირის ქვეყნებში დიდი ხანია გარემოზე ასე ზრუნავენ. ჩვენც დაგვეხმარნენ, შესაბამისი ორგანიზაცია შევქმენით და ქუთაისში 100 სპეციალური ურნა დავდგით. ამ ურნებიდან პლასტმასი ჩვენთან გროვდება, უკვე 50 ტონაზე მეტი გვაქვს მიღებული. ეს ამბავი განა მარტო აქ ხდება, ქუთაისს იმერეთის სხვა ქალაქებმაც მიბაძეს. მერე ეს ჩვენი დაპრესილი პოლიეთილენი გადასამუშავებლად მიაქვთ. ძაან მაგარი იქნება ყველგან ასე ხდებოდეს, ჩვენი და ჩვენი შვილების ჯანმრთელობისთვის უკეთესს რას ვიზამთ მადლიანი საქმეა, შრომა რომ არსად დაგეკარგება ისეთი... ყოველ დღეს გარემოზე ზრუნვით ვიწყებთ და ვამთავრებთ და მერე ისევ თავიდან.... ევროკავშირის მხარდაჭერით, ჩვენი ქვეყნის ცხოვრებაში ახალი დღე დადგა,ჩვენ უკვე ვახარისხებთ და გადავამუშავებთ ნარჩენებს და შრომის ნაყოფს, რომელსაც ეს მადლიანი საქმე გვაძლევს, ყოველდღე ვხედავთ.“- აცხადებს კახა ნანავა.

ვიდეო-რგოლი საქართველოში მყარი ნარჩენების მართვის შესახებ გადაღებულია ევროკავშირი-საქართველოს საინფორმაციო კამპანიის ფარგლებში. კამპანია ევროკავშირის პროექტის „ასოცირების ხელშეკრულების განხორციელების მხარდაჭერა" ფარგლებში ხორციელდება, რომლის მიზანია საქართველოს მოსახლეობისათვის ევროკავშირისა და საქართველოს პოლიტიკურ და ეკონომიკურ ურთიერთობებზე მარტივ ენაზე ინფორმაციის მიწოდებას, ასევე, ცნობიერების ამაღლებას, თუ რა კონკრეტული სარგებელი შეიძლება მოუტანოს საქართველოს ასოცირების ხელშეკრულების, ღრმა და ყოვლისმომცველი თავისუფალი ვაჭრობისა და ვიზა–ლიბერალიზაციის სამოქმედო გეგმის განხორციელებამ. კამპანიისას განსაკუთრებული აქცენტი ევროპულ ფასეულობებზე კეთდება.