პეკინის ქუჩაზე წყალმომარაგების განახლების პირველი ეტაპი დასრულდა.

ჯორჯიან ვოთერ ენდ ფაუერის ინფორმაციით, მოეწყო 1კმ სიგრძის ტრანშეა და წყალსადენის 1კმ სიგრძის ახალი ქსელი ჩალაგდა. ასევე წყალსადენის 160მმ-იანი ახალი ქსელის 150 მეტრი სიგრძის მონაკვეთი გადაერთდა და ექსპლუატაციაში შევიდა.

„ამჟამად, წყალსადენის ახალ ქსელზე განშტოებების მოწყობა, ქსელის ექსპლუატაციაში გასაშვებად მომზადება და ტესტირება მიმდინარეობს. პეკინის გამზირის რეაბილიტაციის პროექტის ფარგლებში სრულად შეიცვლება წყალსადენის 335 მმ-იანი და 160 მმ-იანი 3 კმ სიგრძის გამანაწილებელი ქსელები. სამუშაოები აქტიურად მიმდინარეობს და აგვისტოს ბოლოს დასრულდება”, - განაცხადა ჯორჯიან ვოთერ ენდ ფაუერის გენერალურმა დირექტორმა გიორგი ცხადაძემ.

მისივე თქმით, წყალმომარაგების რეაბილიტაციის სამუშაოები აქტიურად მიმდინარეობს და აგვისტოს ბოლოს დასრულდება.

მიმდინარე სამუშაოები დაათვალიერეს საკრებულოს თავმჯდომარემ გიორგი ალიბეგაშვილმა და საკრებულოს სხვა წევრებმა.