დღეს საღამოს საქართველოს ვენეციის კომისიის პრეზიდენტი ჯანი ბუკიკიო ეწვევა. ბუკიკიო ბათუმში ევროპის საკონსტიტუციო სასამართლოების მე-17 კონგრესში მონაწილეობის მისაღებად ჩამოდის და დღესვე, 20:30 საათზე პრეზიდენტის სახელით კონგრესის მონაწილეებისთვის დაგეგმილ მიღებას დაესწრება.

ხვალ კი, 11,00 საათზე ბათუმში ევროპის საკონსტიტუციო სასამართლოების მე-17 კონგრეს საქართველოს საკონსტიტუციო სასამართლოს თავმჯდომარე ზაზა თავაძე გახსნის.

ღონისძიებაზე სიტყვით გამოვლენ ვენეციის კომისიის პრეზიდენტი ჯანი ბუკიკიო, საქართველოს პრეზიდენტი გიორგი მარგველაშვილი, პრემიერ-მინისტრი გიორგი კვირიკაშვილი და პარლამენტის თავმჯდომარე ირაკლი კობახიძე .

კონგრესს საკანონმდებლო, სასამართლო და აღმასრულებელ ხელისუფლებასთან ერთად, დიპლომატიური კორპუსიც დაესწრება.

ევროპის საკონსტიტუციო სასამართლოების მე-17 კონგრესსზე დელეგატების განსახილველი თემაა კონსტიტუციური პრინციპების დაცვასა და გამოყენებაში საკონსტიტუციო სასამართლოს როლი.

ევროპის საკონსტიტუციო სასამართლოების მე-17 კონგრესს, რომელიც -ელი ივლისის ჩათვლით გაგრძელდება, 40-ზე მეტი ევროპული ქვეყნის საკონსტიტუციო სასამართლოს თავმჯდომარე დაესწრება.

ევროპის საკონსტიტუციო სასამართლოების მე-17 კონგრესი ევროკავშირის სასამართლოს მხარდაჭერის პროექტისა და გერმანიის საერთაშორისო თანამშრომლობის ორგანიზაციის მხარდაჭერით იმართება.