დონალდ ტრამპის წინასაარჩევნო შტაბის ყოფილმა უფროსმა, 2012 წელს უკრაინის ყოფილი პრეზიდენტის, ვიქტორ იანუკოვიჩის პარტიისგან წინასაარჩევნო პროგრამის შედგენის სანაცვლოდ, 17 მილიონი დოლარი მიიღო. ინფორმაციას ამერიკული პრესა ავრცელებს.

ვაშინგტონ პოსტი და ნიუ იორკ თაიმსი წერს, რომ მანაფორტსა და იანუკოვიჩის პარტიას შორის არსებულ კავშირზე ინფორმაცია იმ დოკუმენტებიდან გახდა ცნობილი, რომელიც ანონიმურმა პირმა შეერთებული შტატების იუსტიციის სამინისტროში წარადგინა.

დოკუმენტში წერია, რომ 2011 წელს მანაფორტი საერთაშორისო აგენტად დარეგისტრირდა. შეერთებული შტატების კანონმდებლობით, როცა ამერიკის მოქალაქე სხვა ქვეყნის მთავრობას ნებისმიერ საკითხზე კონსულტაციას უწევს, ვალდებულია, საერთაშორისო აგენტად დარეგისტრირდეს.