თვითმმართევლობის კოდექსში ცვლილებების განხილვა პარლამენტში ხმაურიანი განცხადებების ფონზე გაიმართა. ოპოზიცია ქართულ ოცნებას ახსენებს, რომ თვითმმართველი მუნიციპალიტეტების გაყოფის გადაწყვეტილება ჯერ კიდევ 3 წლის წინ ამავე ხელისუფლებამ მიიღო და ახლა აუქმებს, იმიტომ, რომ არჩევნებში წაგების ეშინია.
ცვლილების მიხედვით, მუნიციპალიტეტის აღმასრულებელ ორგანოდ ყველა მუნიციპალიტეტში განისაზღვრება „მერი“ და შესაბამისად, კოდექსის მთელ რიგ მუხლებში ხორციელდება ტერმინოლოგიური სახის ცვლილება;
კანონპროექტით თვითმმართველი ქალაქების რაოდენობა 12-დან 5-მდე მცირდება და ასეთი სტატუსი ექნება მხოლოდ თბილისს, რუსთავს, ქუთაისს, ფოთსა და ბათუმს;
2017 წლის ადგილობრივი თვითმმართველობის მორიგი არჩევნების ჩატარების წესი კი გარდამავალი დებულებით დგინდება.