თვითმმართველობის საკითხებზე მომუშავე არასამთავრობო ორგანიზაციები ქუთაისის საქალაქო სასამართლოს მიმართავენ და პარლამენტის იმ დადგენილებას გაასაჩივრებენ, რომელიც თვითმმართველი ქალაქებისა და მუნიციპალიტეტების გაერთიანებას ეხება. საკანონმდებლო ორგანოში 15 ივნისს მიღებული დადგენილების თანახმად, 7 თვითმმართველი ქალაქი: გორი, ამბროლაური, მცხეთა, ოზურგეთი, თელავი, ახალციხე და ზუგდიდი როგორც თვითმმართველი ქალაქები გაუქმდა და სათემო მუნიციპალიტეტებში გაერთიანდა. პარლამენტის აღნიშნული დადგენილება 2017 წლის ადგილობრივი თვითმმართველობის ორგანოების მორიგი არჩევნების დანიშვნის დღეს ამოქმედდება.
თვითმმართველობის საკითხებზე მომუშავე არასამთავრობო ორგანიზაციების სარჩელს ქუთაისის სასამართლოში „საია“ 14.00 სთ-ზე შეიტანს. მანამდე კი მესამე სექტორის წარმომადენლები პრესკონფერენციას მართავენ.