ივნისი 30, 2017
94
იმ შემთხვევაში, თუ დემირელის კოლეჯის ყოფილ მენეჯერს დევნილთა და განსახლების სამინისტრო ლტოლვილის სტატუსს არ მიანიჭებს, უწყების გადაწყვეტილებას დაცვის მხარე ადამიანის უფლებების ევროპულ სასამართლოსა და საქართველოში პირველ და მეორე ინსტანციებში გაასაჩივრებს.
მუსტაფა ემრე ჩაბუქის ადვოკატის განცხადებით, უარყოფითი პასუხის შემთხვევაში, ადამიანის უფლებების ევროპულ სასამართლოს ექსტრადირების პროცესის შეჩერების მოთხოვნით მიმართავენ.
ვახტანგ კვიჟინაძის თქმით, თურქეთიდან ჩაბუქის მიმართ გადმოგზავნილი ბრალდება სისხლის სამართლის დანაშაული არ არის. მისი თქმით, ეს პოლიტიკური ნიშნით დევნაა. დაცვის მხარის თქმით, გადაწყვეტილება სტატუსის მინიჭების თაობაზე 7 ივლისს იქნება მიღებული.
მაჩვენე მეტი