საპარლამენტო უმრავლესობის წევრმა ნუკრი ქანთარიამ საპარლამენტო ტრიბუნიდან დეპუტატ რომან გოცირიძეს მისი ეროვნული ბანკის ხელმძღვანელობის პერიოდი გაახსენა და მას კუპონები მიუტანა. დეპუტატის გაღიზიანება ქვეყნის ეკონომიკასთან დაკავშირებით გოცირიძის შეფასებებმა გამოიწვია.
„გაგახსენებთ იმ დროს, საქართველოს ყველა მოქალაქე მილიონერები რომ გახდნენ და ბატონო რომან, ალბათ, გესმით, რომ ამაზე დიდს ვერაფერს გააკეთებთ. მე წამოგიღეთ თქვენ რაც მაშინ საქართველოს მიეცით, აი, ეს არის მილიონები და როდესაც მოგინდებათ ფინანსებთან დაკავშირებული კრიტიკული გამოძახილი, იქნებ, ეს გაიხსენოთ და იყოთ თავმდაბალი“ - განაცხადა ნუკრი ქანთარიამ.
დეპუტატს რომან გოცირიძისთვის კუპონების გადაცემა სურდა, თუმცა გოცირიძე სხდომათა დარბაზში არ იმყოფებოდა.