ვენეციის კომისიის პრეზიდენტის განცხადებამ კიდევ ერთხელ გვაჩვენა, თუ როგორ ჩიხში შეიყვანა ხელისუფლებამ საკონსტიტუციო ცვლილებების პროცესი, - ასე შეაფასა "ევროპული საქართველოს" მერობის კანდიდატმა ელენე ხოშტარიამ ჯანი ბუკიკიოს განცხადება, სადაც იგი საკონსტიტუციო ცვლილებებთნ დაკავშირებით იმედგაცრუებას გამოთქვამდა.
"მათი ერთადერთი არგუმენტი, თითქოს გააჩნიათ მხარდაჭერა ვენეციის კომისიიდან, გაქარწყლდა და ჩვენ ვხედავთ როგორც ქვეყნის შიგნით,ასევე ქვეყნის გარეთ ყველას აქვს მოლოდინი, რომ ამ ჩიხური სიტუაციიდან გამოვიდეს ჩვენი ქვეყანა. აქედან გამომდინარე, ჩვენ ვთავაზობთ კიდევ ერთხელ ამ ჩიხურ ვითარებაში ხელისუფლებას, მივმართოთ ერთადერთ, ნორმალურ, საღ გამოსავალს, რაც არის პლებისციტი. ვკითხოთ ხალხს, თუ როგორი უნდა იყოს ჩვენი საარჩევნო სისტემა და როგორ უნდა გადაწყდეს პრეზიდენტის არჩევითობის საკითხი", - განაცხადა "ევროპული საქართველოს" მერობის კანდიდატმა ელენე ხოშტარიამ.