მასშტაბური ღონისძიებით აღინიშნება ახალციხეში შალვა ახალციხელის ხსენების დღე. საეკლესიო და სახალხო დღესასწაულთან დაკავშირებით, წმინდანის სახელობის მშენებარე ტაძარში ლიტურგია შესრულდა, რომელსაც ექვსი ეპარქიის წინამძღვარი დაესწრო.
დღესასწაულის აღნიშვნა რაბათის ციხეზე კულტურული და სპორტული ღონისძიებებით გაგრძელდა.
გაიმართა შეჯიბრი ჭიდაობაში, მკლავჭიდსა და ძიუდოში. მოეწყო ხალხური რეწვის ოსტატთა ნამუშევრების, ღვინისა და ახალციხის ქუჩების ამსახველი ფოტოების გამოფენები.
დღესვე შინაგან საქმეთა სამინისტრომ, საგზაო მოძრაობის უსაფრთხოების კამპანიის - „შენი გულისთვის, შენი უსაფრთხოებისთვის“ ფარგლებში მოქალაქეებს იმიტირებულ უსაფრთხო ქალაქში უმასპინძლა.
იმიტირებულ ქალაქში შს სამინისტროს სხვადასხვა დანაყოფის კუთვნილი ტექნიკა, შეიარაღება და აღჭურვილობა იყო წარმოდგენილი.