ამერიკის შეერთებულ შტატებში ახალი საემიგრაციო კანონი უახლოეს საათებში შევა ძალაში. კანონი ექვსი ისლამური ქვეყნის მოქალაქეებს, რომლებიც დადგენილ კრიტერიუმებს ვერ აკმაყოფილებენ, ამერიკის შეერთებული შტატების ტერიტორიაზე შესვლას უკრძალავს.

რამდენიმე თვის წინ დონალდ ტრამპის განკარგულება ქვედა ინსტანციის სასამართლოებმა არაკონსტიტუციურად ცნეს და შეაჩერეს, თუმცა შეერთებული შტატების უზენაესი სასამართლოს მიერ მიღებული განაჩენის თანახმად, პრეზიდენტის განკარგულება მაინც ამოქმედდება.

თეთრმა სახლმა მუსლიმური ქვეყნების მოქალაქეებისთვის შემუშავებული კრიტერიუმები შესაბამის დიპლომატიურ უწყებებს უკვე გადაუგზავნა.