საზოგადოებრივი მაუწყებლის სამეურვეო საბჭოს წევრად საქართველოს პარლამენტმა გიორგი იაკობაშვილი დაამტკიცა. კენჭისყრა პარლამენტში რამდენიმე წუთის წინ გაიმართა.

გიორგი იაკობაშვილს ხმა 84-მა დეპუტატმა მისცა, 2 კი წინააღმდეგი წავიდა.

რაც შეეხება დანარჩენ ორ კანდიდატს, აკაკი გიგინეიშვილს 33 მომხრე ჰყავდა, ლელა ფირალიშვილს კი - 22.

საზოგადოებრივი მაუწყებლის სამეურვეო საბჭოს წევრობის შესარჩევი ღია კონკურსი 29 მაისს გამოცხადდა. საკონკურსო კომისიის შემადგენლობაში იყვნენ: სოსო გალუმაშვილი (PR სააგენტო - „ჯეპრას“ დამფუძნებელი და ხელმძღვანელი, ქართულ-ამერიკული უნივერსიტეტის PR-სკოლის დამფუძნებელი და ლექტორი); თინათინ თვალაძე (ბლოგერი); ზურაბ მხეიძე (ფსიქოლოგი); თინათინ რუხაძე (მოსწავლე-ახალგაზრდობის ეროვნული სასახლის დირექტორი); არნოლდ სტეპანიანი (არასამთავრობო ორგანიზაცია „მრავალეროვანი საქართველოს“ თავმჯდომარე); ოთარ ტატიშვილი (ექიმი და ტელეწამყვანი); ბასა ფოცხიშვილი (რეჟისორი, სტუდია „123-ის“ დამფუძნებელი); მარინე ჩიტაშვილი (თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის პროფესორი).