გაერო-მ მსოფლიოს ცხელ წერტილებში წარგზავნილი სამშვიდო მიესიებისთვის გაწერილი 2018 წლის ბიუჯეტი 600 მილიონი დოლარით შეამცირა. გაერო-ს გენერალურმა ასამბლეამ ბიუჯეტი რამდენიმე საათის წინ დაამტკიცა. ახალი დოკუმენტის თანახმად, სამშვიდობო მისიების ბიუჯეტი მომავალი წლიდან 7,5 მილიარდ დოლარს შეადგენს.

გაერო-ს გენერალური მდივნის პრესსპიკერმა სტეფან დიუჟარიკმა განაცხადა, რომ ბიუჯეტის შემცირება მშვიდობისმყოფელთა რაოდენობაზე არ აისახება.

„გაერთიანებული ერების ორგანიზაცია განაგრძობს სამშვიდობო მისიებს ყველა კონფლიქტურ ზონაში“, - განაცხადა სტეფან დიუჟარიკმა.

დღესდღეობით გაერო სამშვიდობო მისიას მსოფლიოს 14 ქვეყანაში ახორციელებს.