თანამედროვე ტექნოლოგიებით აღჭურვილი საავადმყოფო, კულტურის სახლი, სპორტულ-გამაჯანსაღებელი კომპლექსი, ახალი ხიდი და დევნილთა საცხოვრებელი კორპუსები - მცხეთაში განხორციელებული პროექტები მცხეთის მაჟორიტარმა დეპუტატმა დიმიტრი ხუნდაძემ წარადგინა.

სამუშაოებისთვის ჯამში 33 მილიონი დაიხარჯა. რაც შეეხება მცხეთის რაიონს, მუხრანში, ძეგვსა და წილკანში 3 ახალი სკოლა აშენდა; ახალი ბაღები - წეროვანში, ციხისძირში, ქსანში, წილკანში. ასევე მიმდინარეობს მუხრანის საბავშო ბაღის მშენებლობა.

პარალელურად ხორციელდება სასმელი წყლის სარეაბილიტაციო სამუშაოები, ასევე - სარწყავი არხების რეაბილიტაცია-მშენებლობა. გაზიფიცირებულია სოფლების დიდი ნაწილი.